మోహన్‌ బాబు – స్టాలిన్‌ మధ్య లింకేమిటి?

తమిళనాడు మాజీ ముఖ్యమంత్రి కరుణానిధి మరణానంతరం డిఎంకే బాధ్యతలు చేపట్టబోతున్న ఆయన కుమారుడు స్టాలిన్‌కు – మన డైలాగ్‌కింగ్‌ మోహన్‌ బాబుకు మధ్య ప్రత్యేక అనుబంధం ఏమైనా ఉందా? ఎందరో ప్రముఖులుండగా కరుణానిధి సంస్మరణ సభకు మోహన్‌ బాబునే ఎందుకు పిలిచినట్లు? ‘మిమ్మల్ని ముఖ్యమంత్రిగా చూడాలనుకుంటున్నా’ అని స్టాలిన్‌ను ఉద్ధేశించి మోహన్‌ బాబు ఎందుకు వ్యాఖ్యానించినట్లు?

ఈ ఆదివారం నాడు కోయంబత్తూరులో జరిగిన కరుణానిధి సంస్మరణ సభకు మోహన్‌ బాబును ఆహ్వానించారు స్టాలిన్‌. స్టాలిన్‌తో కలిసివున్న ఫొటోను మోహన్‌బాబు ట్విట్టర్‌లో షేర్‌ చేశారు. మోహన్‌బాబు-స్టాలిన్‌ కలయిక గురించి చర్చించేముందు తమిళ సూపర్‌ స్టార్‌ రజనీకాంత్‌ గురించి మాట్లాడుకోవాలి. త్వరలో రాజకీయ పార్టీ ప్రారంభించ బోతున్నట్లు రజనీకాంత్‌ ప్రకటించిన సంగతి తెలిసిందే. డిఎంకే, అన్నాడిఎంకే పార్టీలకు ప్రత్యామ్నాయంగానే ఆయన పార్టీ ప్రారంభిస్తున్నారు.

రజనీకాంత్‌ – మోహన్‌బాబు ప్రాణమిత్రులు అనే సంగతి అందరికీ తెలిసిందే. అందుకే మోహన్‌బాబును స్టాలిన్‌ ఆహ్వానించడంపై ఆసక్తినెలకొంది. రజనీతో పొత్తు, అవగాహన వంటి అంశాలపై మోహన్‌ బాబుతో ఏమైనా చర్చించారా? స్టాలిన్‌ సిఎం కావాలని మోహన్‌బాబు ఆకాంక్షిస్తే…మరి ప్రాణిమిత్రుడైన రజనీ సంగతి ఏమిటి? ఇటువంటి ప్రశ్నలకు సమాధానం దొరకాలంటే కొంతకాలం ఆగాల్సిందే.

Be the first to comment

Leave a Reply

Your email address will not be published.


*